Bai directamente na kontenido

Lider di Tim sentro di trabou Plenchi di Trabou OLB-SZW

E sentro di trabou Plenchi di Trabou ta e lugá sentral na Boneiru unda ta trese dunado di trabou i persona ku ta buska trabou den kontakto ku otro. Bo ta un mènedjer eksperiensiá ku ta dispuesto pa krea huntu ku e kolaboradornan un sitio di enkuentro habrí unda esun ku ta buska trabou i e dunando di trabou ta sinti su mes bonbiní, por haña otro i konektá, e ora ei, ta abo nos ta buska!

HBO | Boneiru| 36 ora | Number di vakatura: P&O2024_04_001 | Fecha di klousura: 19 di mei 2024

Deskripshon di funshon
Plenchi di Trabou ta un organisashon hibrido di OLB i SZW i un partisipante importante den e merkado laboral na Boneiru. Ku un aktitut aktivo, empresarial i habrí nos ke krea oportunidat den e komunidat. Komo lider di e tim di Plenchi di Trabou bo ta e persona mas importante, bo ta den e sentro di e komunidat i bo ta dirigí e tim di mas o ménos 8 mediadó di trabou i un empleado di maneho. Bo ta forma parti di e MT di e unidat SZW di RCN i den e organisashon bo ta kai bou di e mènedjer operashonal, tambe hefe suplente di e unidat.

Plenchi tin 3 aña di eksistensia awor, i ta na komienso di un periodo nobo. Tin un evaluashon di e organisashon na kaminda, i ku e rekomendashonnan bo ta bai traha un plan pa desaroyo mas aleu, pa sigui ku e profeshonalisashon di nos servisio. Bo ta hasi esaki den estrecho kolaborashon ku nos partnernan importante den e merkado laboral. Ademas, bo ta pone enfoke e aña benidero riba krea oportunidat i posibilidat pa hende ku limitashon.

Tareanan di funshon

  • Bo ta responsabel pa duna guia diario na e kolaboradonan;
  • Bo ta apto pa inspirá, motivá i guia e kolaboradonan i pone nan funshoná den nan forsa;
  • Bo ta perkurá pa realisashon di e meta- i enkargonan;
  • Bo ta apto pa tradusí e vishon i e rumbo di e organisashon den metanan operashonal;
  • Bo ta duna direkshon pa mehorashon i kalidat di e prosesonan;
  • Bo ta perkurá pa informashon periódiko di maneho;
  • Bo ta sòru pa un servisio optimal na esun ku ta buska trabou i dunadó di trabou;
  • Bo ta funshoná komo un partner di kòmbersashon i ta mantené kontakto ku empresa i otro ‘stakeholders’;
  • Bo ta raportá na e grupo di guia ku representantenan di OLB i SZW.

E organisashon
E Unidat di Asuntunan Sosial i di Empleo Unidat (SZW) ta ehekutá e seguridat sosial pa Hulanda Karibense. Ademas SZW ta enkargá ku inspekshon di labor na CN, pèrmit di trabounan, asuntunan di labor i Plenchi di Trabou. Tin na total 55 empleado ta traha na e Unidat SZW, di nan tin 6 ta traha na Saba i Sint Eustatius. Tin hopi desaroyo den e área sosial i e pakete di tarea di e unidat ta ekspandiendo. Entre otro, un areglo di akohida di mucha, un Lei di Desempleo CN i kambionan den legislashon laboral ta areglonan pa implementashon ku, dependiendo di desishonnan polítiko, den futuro serkano e Unidat SZW lo bai implementá. E Unidat SZW ta traha na un eksistensia humano digno pa tur hende na Hulanda Karibense.

Kompetensianan

  • Orientashon riba meta i proseso
  • Konsiente di ambiente
  • Sensividat atministrativo
  • Sa kon pa uni hende
  • Duna guia
  • Kreativo

Eksigensianan di funshon

  • Nivel di traha i pensa HBO
  • Bo por proba ku bo tin un mínimo di 3 aña di eksperensia den un funshon similar, afinidat ku e dominio sosial, i preferiblemente riba tereno di mediashon i partisipashon laboral;
  • Bo tin konosementu i eksperensia ku maneho di kambio;
  • Bo tin un estilo di liderasgo orientá riba hende, i ku ta stimulá;
  • Abilidatnan den mantenshon di kontakto den un ret di stakeholder i otro partidonan;
  • Un dominio ekselente verbal i por eskrito di papiamentu i hulandes.

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un nombramentu serka Rijksdienst Caribisch Nederland, Asuntunan Sosial i Empleo;
  • Un salario konforme merkado den skal inisial 10 i skal di funshon 11 (salario mensual bruto minimalmente $ 3.525,- i maksimalmente $ 5.240,-) ku un siman di trabou di 36 ora pa siman. Klasifikashon a base di konosementu i eksperensia. E funshon ta pendiente di un balorashon nobo;
  • Sèn di fakansi (8,33% di e salario);
  • Un di diestres luna (8,33% di e salario, un mínimo di $ 1.750,- bruto);
  • Un areglo di penshun akomodá na Pensioenfonds Caribisch Nederland (PCN);
  • 168 ora di fakansi den kaso di un siman di trabou di 36 ora pa siman;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Ora di aptitut igual, kandidato interno tin preferensia;
  • Un assessment òf casus por forma parti di e prosedura.

Eksigensianan di nombramentu

  • Un deklarashon tokante kondukta (VOG);
  • Un saminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?
Pa mas informashon tokante e vakatura bo por tuma kontakto ku Mischa Prinsenberg, hefe di servisio SZW, number di telefòn + 599 795 2030

Solisitut digital
Bo por manda bo Curriculum Vitae ku bo motivashon via e-mail pa: vacature@rijksdienstCN.com