SZW Lider di Tim

HBO | Boneiru | 36 ora | number di vakatura P&O2024_04_003 | Fecha di klousura: 19 di mei 2024

Deskripshon di e funshon
Huntu ku bo tim bo ta pèrkurá pa implementashon di ònderstant, ehekushon di pèrmit di trabou i asuntu di labor. Esaki ta un proseso importante den komunidat di Boneiru, Sint Eustatius i Saba, ku mester keda organisá i implementá di forma kuidadoso i efisiente. Huntu ku bo tim bo ta responsabel pa esaki i ta rekerí estrecho kolaborashon den kua abo tin liderazgo. E departamento ta konsistí di 8 empleado. Bo ta forma parti di e Tim di Maneho (MT) di unidat SZW i ta raportá na e mènedjer operashonal ku ta alabes Hefe interino di e unidat.
Bo ta fleksibel i bo sa kon pa bai ku kambionan kontinuo den e organisashon i komunidat. Kolaborá, koordiná i delegá ta bai bo bon i bo ta demostrá esfuerso aktivo i inisiativa pa logra metanan kualitativo i kuantitativo huntu ku bo tim. Bo ta traha tur dia ku pashon riba esei.
Tareanan di e funshon:
•    Bo ta duna guia i ta responsabel pa maneho diario di e sekshon;
•    Bo ta apto pa inspirá, motivá i guia kolaboradó i pon’é funshoná den su forsa;
•    Bo ta responsabel pa implementashon legítimo di e prosesonan komo doño di e prosesonan bo ta responsabel pa tene e prosesonan aki aktualisá; 
•    Bo ta siñalá puntonan problemátiko relashoná ku progreso di tantu tareanan regular komo tareanan basá riba proyekto (durante enkargonan di implementashon) na e manager operashonal i ta bin ku proposishonnan dirigí riba solushon;
•    Bo ta konsehá gerensia den kaso di problemanan relashoná ku maneho;
•    Bo ta pèrkurá pa kumpli ku deadlinenan vigente i palabrá;
•    Bo ta responsabel pa aplikashonnan relevante riba e área di interes i bo ta hasi pruebanan di aseptashon;
•    Bo ta responsabel pa suministro di dato i informashon korekto pa raportahenan di gerensia i di kada kuater luna;
•    Bo ta fungi komo ‘sparring’ partner di e kolaboradónan hurídiko ora di duna input pa formulashon/ahuste di liñanan di maneho i instrukshonnan di trabou i operashonalisá nan; 
•    Bo ta mantené kontakto estrecho ku e kolaboradónan na Saba i Statia di manera ku nan por duna kontenido supstansial na nan tareanan.
•    Bo ta mantené kontakto ku partidonan di interes relevante riba tereno sosial.

E organisashon
Unidat Asuntunan Sosial i Empleo (SZW) ta implementá siguridat sosial pa Hulanda Karibense. Ademas SZW ta responsabel pa inspekshon di labor Hulanda Karibense, pèrmitnan di trabou, asuntunan laboral i Plenchi di Trabou. Den unidat SZW ta trahando en total mas òf ménos 55 kolaboradó, 6 di nan na Saba i Sint Eustatius. Tin hopi desaroyo riba tereno sosial i e pakete di tarea di e unidat ta ekspandiendo. Un areglo di akohida di mucha, un Lei di desempleo Hulanda Karibense i adaptashonnan den legislashon laboral ta entre otro areglonan di implementashon ku, dependiendo di tomo di desishon polítiko, den un futuro serkano lo bai keda ehekutá pa unidat SZW. Unidat SZW ta trahando riba un eksistensia digno pa tur hende na Hulanda Karibense.

Kompetensianan
•    Dirigí
•    Orientá riba proseso
•    Liderato
•    Ta krea vínkulo 
•    Kreativo
•    Reflehá 

Eksigensianan di e funshon 

•     Nivel Hbo di traha i pensa ku eksperensia/antesedente di maneho demostrabel;
•     Afinidat ku i preferiblemente eksperensia riba tereno sosial;
•     Vários aña di eksperensia den dirigí i duna guia na kolaboradónan;
•     Eksperensia ku maneho di proseso;
•     Estilo di liderazgo ku ta konektá i orientá riba persona;
•     Bon abilidat komunikativo 
•     Ekselente dominio di papiamentu i hulandes verbal i por eskrito.

Kiko nos ta ofresé?
•    Un nombramentu konforme e Rechtspositiebesluit ambtenaren BES; 
•    Un salario konforme merkado den skal inisial 10 i skal 11 di e funshon (salario mensual bruto minimal $3.525,--i maksimal $5.240,--), pa un siman di trabou di 36 ora pa siman. Klasifikashon ta tuma lugá basá riba konosementu i eksperensia; 
•    Plaka di fakansi (8,33% di e salario);
•    Un di 13 luna (8,33% di e salario, ku un montante mínimo di $ 1.750,-- bruto);
•    Un areglo di penshun alohá bou di Pensioenfonds Caribisch Nederland (PCN);
•    168 ora di fakansi pa un siman di trabou di 36 ora pa siman; 
•    Un nombramentu temporal di un aña, ku perspektiva di un nombramentu fiho den kaso di bon funshonamentu i un resultado di evaluashon positivo; 
•    Un areglo di mudansa pa kandidatonan ku ta reakshoná for di pafó di e isla.

Prosedura
•    Ta habri e vakatura akí interno i eksterno na mes momentu. Den kaso di igual kapasidat ta duna kandidatonan interno preferensia;
•    Un assessment òf kaso por forma parti di e prosedura. 

Eksigensianan pa nombramentu
•    Un Deklarashon Tokante Kondukta (VOG);
•    Un saminashon médiko pa atmishon den e fondo di penshun; 
•    Nashonalidat hulandes. 

Bon pa interesadonan di pafó di Hulanda Karibense sa
•    E salario ta na dòler merikano, e moneda ofishal na Hulanda Karibense; 
•    Hulanda Karibense tin su propio areglo fiskal. Ta imponé un porsentahe di 30,4% na loonheffing riba entrada ku ta surpasá e suma liber di impuesto ($ 20.424,-- na 2024); 
•    Partisipashon den e fondo di penshun ta obligatorio, inkluyendo un kontribushon propio na esaki; 
•    Bo ta òf ta bira residente di Hulanda Karibense. 

Mas informashon?
Pa informashon tokante e vakatura bo por tuma kontakto ku Eileen Piar, manager operashonal / Hefe di unidat SZW suplente, number di telefòn + 599 790 0038

Solisitut digital
Bo por manda bo Curriculum Vitae huntu ku motivashon pa: vacature@rijksdienstCN.com