Agrikultura i salubridat di bestia
LNV ta para pa un kadena di karni responsabel i sigur. Esaki ta enserá fasilidatnan pa mata bestia minusiosamente i – prosedimentunan pa garantisá e seguridat di kuminda i e bienestar di e bestia durante e proseso di matamentu. E importashon i eksportashon di bestia i produktonan di bestia tambe mester kumpli ku e eksigensianan pa lo ke ta trata e salubridat di bestia i seguridat di kuminda.
Agrikultura, hortikultura i krio di bestia
Agrikultura ta un responsabilidat di e Entidatnan Públiko di Boneiru, Sint Eustatius i Saba. Pa disminuí e dependensia di importashon di kuminda i ku esaki oumentá e seguridat di kuminda den Hulanda Karibense, a nombra fortifikashon di produkshon di kuminda lokal sostenibel den e Coalitieakkoord (Akuerdo di Koalishon) komo un di e metanan prinsipal di e Plan di maneho pa Naturalesa i Medio ambiente di Hulanda Karibense 2020-2030. E ministerio di LNV ta sostené e Entidatnan Públiko di Boneiru, Sint Eustatius en Saba ku yudansa di institutonan di konosementu hulandes pa studia posibilidatnan pa realisá un produkshon di kuminda mas efisiente i sostenibel.
Asuntunan salubridat di mata i protekshon di kultivo
E minister tin e posibilidat pa establesé legislashon tokante salubridat di mata komo protekshon di e agrikultura. En bista ku no tin un sektor di agrikultura di gran eskala na Hulanda Karibense no a implementá legislashon pa salubridat di mata. E Entidatnan Públiko na Hulanda Karibense tin e posibilidat pa establesé legislashon i maneho lokal. Uso robes di produktonan pa protehá kultivo por trese peliger pa e salú di hende i animal, p’esei a establesé reglanan di ki tipo di supstansia i pestisida ta prohibí òf pa kua di nan mester di un pèrmit obligatorio.