Presidentenan di Eerste i Tweede Kamer di bishita na Hulanda Karibense
E presidentenan di Eerste i Tweede Kamer, Ankie Broekers-Knol i Khadija Arib, lo ta huntu di bishita na Hulanda Karibense riba dianan 7 te ku 13 di yanüari 2018.
Nan ta bishitá Isla Riba pa tuma nota tambe di e destrukshon ku orkan Irma i Maria a laga atras i e aktividatnan ku ta tuma lugá den kuadro di rekonstrukshonnan na e dos islanan.
Riba 7 di yanüari gezaghebber interino Julian Woodley ta risibí Sint Eustatius e delegashon. Riba programa tin kombersashonnan ku Kolegio Ehekutivo i Konseho Insular i tambe un tour di e isla. Durante di e rekorido aki nan lo bishitá diferente sitio kaminda rekonstrukshon ta tumando lugá pa asina e dos presidentenan mes por mira kon e situashon na e isla ta awor aki despues di orkannan Irma i Maria.
Riba 8 di yanüari e presidentenan lo keda risibí na Saba dor di gezaghèber Jonathan Johnson.
Aki nan tin un enkuentro informal ku Kolegio Ehekutivo i Konseho Insular. Riba 9 di yanüari nan hasi un tour riba e isla i kombersá ku representantenan di organisashonnan sosial.
Despues di un bishita na Sint Maarten i Curaçao, dia 11 di yanüari e dos presidentenan lo ta di bishita na Boneiru, aki gezaghèber Rijna i Representante di Reino Interino Jan Helmond lo risibí e delegashon. Despues di reuní ku gezaghèber, Kolegio Ehekutivo i Konseho Insular, nan lo hasi un tour riba e isla.