Artíkulonan duradero pa víktimanan di orkan di Statia a yega

Resientemente artíkulonan duradero pa yuda víktimanan di orkannan Irma i Maria na Sint Eustatius a yega a.

Durable goods Saba Statia

E unidat di Asuntunan Sosial  (SZW) ta kuminsá ku distribushon di e artíkulonan (frishidèr, kama, fèn i stof) den e di dos siman di novèmber na esnan ku ya a terminá e proseso di petishon. E Unidat di SZW ta ehekutá e distribushon. 
E unidat di Asuntunan Sosial i di Labor (SZW) ta rekonosé e nesesidatnan di e habitantenan di Saba i Sint Eustatius despues di e orkannan Irma i Maria,  i a ekspandé su provishonnan mas tantu posibel denter di e límitenan di e lei. P’esei a bin ku provishonnan spesial. Un di e provishonnan spesial ta e prosesamentu rápido di petishonnan pa artíkulonan duradero.

Pa ousiliá personanan afektá dor di e orkannan, SZW a oumentá su kriterio di suèldu mínimo te un biaha i mei e suèldu mínimo. A ekspand’é e lista di artíkulonan duradero awor tambe ku muebelnan di komedor i di sala, klechi di kama i kusinchi pa famianan ku a pèrdè tur kos. Dor di e adaptashon aki mas persona na Saba i Sint Eustatius por a kualifiká pa e asistensia di emergensia. E proseso pa hasi petishon ta sera 31 di desèmber. Aworakí SZW ta hasi eksepshon partikularmente  pa personanan ku no tabata riba e isla.

Tira bista tambe na