Parke Solar ta suministrá henter Sint Eustatius ku koriente

Na Sint Eustatius, un di e tres Entidatnan Públiko di Hulanda Karibense, for di 15 di novèmber ofisialmente tin un parke solar den uso ku henter dia ta suministrá e isla ku energia te ora ku solo baha. Danki na e parke e uzo di generator di diesel ku tabata suministrá tur e koriente, awor a keda limitá pa kasi mitar. 

solar park statia aerial

Ministerio di Asuntunan Ekonómiko i Klima a paga e parke solar ku un supsidio di rùim 14,1 mion dòler. Esaki ta korespondé ku kasi 7.900 dòler pa kada un di e 1.800 habitante i kompanianan kual ta benefisiá di e invershon di gobièrnu Hulandes.  

Banda di e pènelnan solar e parke ta konsistí di depósito di bateria inovativo di 5,9 MWh/ 2,6 MW ku ta mantené e ret stabil sin uzo di e generator di diesel. Riba dianan ku tin hopi solo, e parke solar ta suministrá produkshon di koriente di 9or di mainta te ku 8or di anochi. Rònt di mèrdia, e parke solar ta produsí mas ku 200% di e demanda di koriente. Ta warda e restu di e produkshon aki pa suministrá mas lat. Anochi e generator di diesel ta tuma e produkshon aki over. 

Pa aña e parke solar ta produsí un 46% di e nesesidat di koriente pa e isla. E parke tin un kapital nominal di 4,15 MW; danki na e klima ku solo e instalashon aki ta produsí dos biaha mas tantu koriente ku lo por produsí na Hulanda Oropeo. Ku un produkshon previsibel di 6,4GWh rá pa aña, banda di Sunport Delfzijl, e parke solar aki ta esun di mas grandi di Hulanda.  

Riba 15 di novèmber 2017 e instalashon ta kuminsá funshoná ofisialmente despues ku Representante di Reino,  Gilbert Isabella, instal’é. 

Tira bista tambe na