Seminario tokante prevenshon di labamentu di plaka i finansiamentu di terorismo na Boneiru
Riba djamars 28 di novèmber próksimo Ministerio di Finansa huntu ku FIU-NL ta organisá un seminario tokante prevenshon di labamentu di plaka i finansiamentu di terorismo. E seminario ta intenshoná pa sektornan di servisio ku ta hasi transakshonnan inusual i ku mester mèldu esaki serka FIU-NL.
Un di e tópikonan ku lo trata ta e evaluashon di Hulanda Karibense dor di “Financial Action Task Force” (FATF) den 2021. FATF ta un “task force” intergubernamental ku ta formulá stèndert internashonal pa e kombatimentu di labamentu di plaka i finansiamentu di terorismo. Tin mas ku 180 pais ku ta afiliá ku FATF. FATF ta evuala e periodo di 2019-2021. E ta mustra leu pero pa haña un mihó evaluashon ta importante pa kuminsá trempan ku e preparashonnan pa e evaluashon.
Durante e seminario lo informá partisipantenan for di e sekshon di servisio tokante di e evaluashon. Preguntanan ku entre otro lo atende: Dikon FATF ta evaluá Hulanda Karibense? I kiko esaki ta nifiká pa e sekshon di servisio?
E seminario ta tuma lugá riba djamars 28 di novèmber na Courtyard Marriott Hotel i ta di 9.30 or di mainta te ku 12 or di mèrdia. Ta sera e seminario ku un lùnch.
Partisipashon ta grátis. Inskripshon ta deseá. Yen ta yen. Pa pregunta òf inskripshon: frits.terborg@politie.nl (no mas tarda ku djabièrnè 24 di novèmber 2017).