BZK ta sostené Saba

Riba 28 di novèmber sekretario di estado di e ministerio di Asuntunan Interno i Relashon di Reino (BZK), Raymond Knops, a kuminsá ku su promé bishita pa sera konosí ku Saba. Despues di su yegada e la hiba kombersashon ku  entre otro Gezaghèber Jonathan Johnson, diputadonan i miembronan di Konseho Insular. E kombersashonnan tabata konstruktivo. A konsekuensia di pasada di ku orkan Irma i Maria Islanan Ariba tin gastunan inesperá di rekuperashon pa mehorashon di e tareanan insular. En konekshon ku esaki sekretario di estado a otorgá un  pago di un solo biaha di 2 mion euro na Kolegio Ehekutivo di Saba. 

BZK steunt Saba

Den e akuerdo di gobernashon tin pará ku lo hasi invershonnan èkstra na Hulanda Karibense bou di e kondishon ku lo salbaguardiá  bon gobernashon ihustifikashon di finansas na un bon nivel. Ya pa algun aña Saba ta kumpli ku e kondishonnan aki. Sekretario di estado tambe a primintí ku lo hasi invershonnan dediká  na desaroyo di organisashonnan di gobièrnu lokal. A primintí un kontribushon di 688.000 dòler pa sigui ku desaroyo di organisashon di entidat públiko di Saba i mehorashon di e servisio pa siudadano.

Sekretario di Estado Knops a ripití  el palabranan ku e la usa durante su lastu diskurso durante tratamentu di presupuesto di Relashonnan di Reino di Tweede Kamer: “more for more, less for less”. Ku esaki Sekretario di Estado ta referí na e importansia di kalidat, aktividatnan na midi i ku ta dirigí riba solushon pa ku kolaborashon. Na esaki e ministerio di BZK i Saba huntu ta duna suseshon na esaki.

E montante ariba menshoná ta bin riba e montante di sen pa mehorashon- i rekonstrukshon ku a pone disponibel en konekshon ku e daño ku pasada di orkan Irma i Maria a okashoná. Den kuadro di rekonstrukshon ta pone un montante di mas o ménos 25 mion euro disponibel pa Saba, pa entre otro pa rekonstrukshon di haf, kimamentu di sushi i reparashon di bibienda. BZK,  e Ministerio di IenW huntu ku Kolegio Ehekutivo lo hiba kombersashon tokante prioridatnan i kontribushon for di e isla.