Tim di rekonstrukshon na Statia ta sigui ku e programa

E tim di rekonstrukshon na Statia ta sigui ku su tarea pa rekonstruí Sint Eustatius despues di e pasashi di orkan Maria i Irma.  Tin ya dos kargashon di material di konstrukshon ku a yega e isla. E tim a kombersá di nobo ku e doñonan di kas. Tambe a firma kontrakt ku kontratistanan lokal. 

Konstrukshon na Hulanda Karibense

Riba djaweps 2 di novèmber tabatin un enkuentro ku doñonan di kas den e sentro di hóben Mike van Putten na Concordia. A informá nan kon e rekonstrukshon lo sigui kana.  Hendenan ku tin un seguro di kas no ta bin na remarke pa ayudo pa asistensia via e proyekto di restablesimentu ku eksepshon di esunnan ku a keda gravemente afektá. 

A pidi doñonan di kas pa sigui informá e otro abitantenan pa asina nan por registrá e dañonan mas lihé posibel.  Tambe presente tabata Raquel Spanner di unidat di Asuntunan Sosial. El a informá e públiko tokante e programa i remplasamentu ku produktonan duradero. Gezaghebber interino Julian Woodley a enfatisá riba rekonstrukshon di kasnan mas sólido i stabil pa por resistí orkan. Manager di proyekto señor Mel Raboen de Sanchez Pacheco a informá tokante e kolaborashon ku New Challenges Foundation. Hóbennan ku tabatin kontakto ku outoridat hudisial ta haña e chèns pa ta sosialmente envolví den e proseso di rekonstrukshon. 

"Ta importante pa e hóbennan aki haña un di dos chèns i pa nan sinti nan mes akseptá den sosiedat, ya nan por keda riba e bon kaminda. E proyekto aki realmente por yuda.  Ta importante pa mèldu ku e rekonstrukshon di Statia ta konserní nos tur. Ta pa esei tin algun inisiativa sosial enkargá ku e ehekushon pa hasi e isla Statia mas bunita.  ‘Laga nos tur hasi algu huntu, e rekonstrukshon di Statia ta sali for di kurason’, segun señor Raboen de Sanchez Pacheco.    

E manager di proyekto a konta durante un enkuentro ku e kontratistanan lokal ta bai kuminsá pronto ku e rekonstrukshon di Sint Eustatius. Si e firma e kontaktonan aki pa fin di e siman aki, e promé fase di e rekonstrukshon di e isla lo ta ofisial.  E kontratistanan ta haña un periodo di tres luna pa terminá ku e promé kasnan, di e personanan ku e haña mas daño. Tambe e la mustra riba e importansia di e edifisio di Lions Club pa Sint Eustatius ku ta usa pa hopi aktividat. Sosial mirá e ta un pilá esensial, el a bisa.  Ta pa esei gobièrnu sentral ta entregá e materialnan nesesario pa renobashon di e daño na Lions Den.