Garantia di depósito ta drenta na vigor pa Hulanda Karibense
De Nederlandsche Bank ta responsabel pa ehekushon di garantia di depósito na Boneiru, Sint Eustatius i Saba. Otro tareanan di De Nederlandsche Bank na Hulanda Karibense ta trata e tráfiko di pago i supervishon di empresanan finansiero ku ta aktivo den Hulanda Karibense.
De Nederlandse Bank (DNB) ta ehekutá e sistema di garantia di depósito pa Hulanda Karibense. Garantia di depósito ta un protekshon grátis pa medio di kua, si algu por bai robes ku un banko, e saldonan (di spar) di klientenan di un banko ta ser protehá outomátikamente te maksimal 10.000 USD.
Generalmente ta asina ku pa medio di e depósito di garantia habitantenan (residentenan) di e entidatnan públiko Boneiru, Sint Eustatius i Saba tin protekshon pa e plaka ku nan tin na bankonan ku tin un pèrmit di De Nederlandsche Bank pa ta aktivo riba e islanan. Un depósito ta e plaka ku tin riba kuentanan di banko, manera kuentanan di pago, kuentanan di spar i depósitonan riba término. Si un banko ku ta kai bou di e influensia protektor di e garantia di depósito bai fayit, De Nederlandsche Bank lo ofresé un kompensashon na e doñonan di kuenta ku ta bin na remarke pa garantia di depósito.
Tin dos regla importante ku mester keda kòrda tokante e límite di kobertura di e garantia di depósito:
1. E protekshon ta konta pa persona òf pa empresa; no pa kada kuenta
2. E protekshon ta konta pa banko (ku tin un pèrmit di De Nederlandsche Bank)
Mas informashon
Si bo tin mas pregunta tokante garantia di depósito pa Hulanda Karibense òf bo mester di mas informashon, bo por manda meil òf yama e Ofisina di informashon di De Nederlandsche Bank (na hulandes i ingles).
Konsumidó-, banko- i demas instansianan por hasi uso di e siguiente datonan di kontakto pa alkansá e Ofisina di informashon.
Wèpsait: www.cn.dnb.nl/nl/depositogarantie
E-mail: info@dnb.nl
E Ofisina di informashon ta na Amsterdam, Hulanda. For di Hulanda Karibense por yama +31 20 524 91 11 (number internashonal). Por alkansá e Ofisina di informashon riba dianan di trabou entre 9 or di mainta i 5 or di atardi (Ora Sentral Oropeo /Ora di zomer Sentral Oropeo).