Enkuentro di informashon pa hóreka

Riba djaweps 26 di òktober 2017 Inspekshon di labor ta tene un anochi di informashon pa kompanianan di hóreka. Intenshon di e anochi ta pa informá dunadónan di trabou i empleadonan tokante e proyekto di inspekshon ‘Horeca’. Banda di un introdukshon di parti di Inspekshon di labor, ekspertonan lo duna un kontribushon enkuanto siguridat kontra kandela i e peso di trabou físiko den hóreka.

Horeca Bonaire
Image: Misset

E proyekto di inspekshon ‘Horeca’ ta ser ehekutá entrante novèmber 2017 den Hulanda Karibense i ta kana te ku 1 di mei 2018. Inspekshon di labor ta vigilá si ta kumpli ku e reglanan tokante labor. Na promé lugá ta trata di e Lei Siguridat laboral BES (Arbeidsveiligheidswet BES). E Lei Siguridat laboral BES ta stipulá reglanan tokante trahamentu seif i salú. Banda di esei e oranan di trabou i di sosiegu tambe ta hunga un papel importante; esakinan ta stipulá den e Lei Laboral 2000 BES. Inspekshon di labor mas aleu ta supervisá Lei suèldu mínimo BES, Lei labor estranheronan BES i Lei di fakansi BES.

E enkuentro ta tuma lugá na Courtyard Marriot Bonaire. For di 6 or di atardi or sala ta habrí. E parti di kontenido ta kuminsá 6.30 or di anochi eksakto i ta kaba 8.30 or di anochi. Na final tin oportunidat pa sigui kòmbersá. Kompanianan di hóreka konosí serka Inspekshon di labor a haña un invitashon. Tambe representantenan di otro kompanianan di hóreka ta kordialmente bonbiní. 

Pa organisá e anochi di informashon bon ta importante pa registrá. Por registrá komo partisipante te ku mas tardá djaluna 23 di òktober via Arbeidsinspectie@RijksdienstCN.com òf via number di telefòn 715-8888.