Plasterk ta bishitá e parti Karibense di Reino

Minister Plasterk di Asuntunan Interno i Relashon di Reino ta bishitá e seis islanan di e parti Karibense di Reino di djaluna 14 di ougùstùs te ku djabièrnè 18 di ougùstùs. E minister lo hiba kòmbersashon ku e gobernantenan di pais Aruba, Kòrsou i Sint Maarten i tambe munisipionan spesial Boneiru, Sint Eustatius i Saba tokante e desaroyonan ku a tuma lugá e delaster añanan aki den kolaborashon ku Reino. Tambe e lo bishitá diferente proyekto riba e islanan. E programa ta konsistí global di e siguiente partinan aki.
 
Djaluna: Saba i Sint Eustatius

  • Kòmbersashonnan ku Kolegio Ehekutivo i Konseho Insular
  • Bishita na e renovashon di Government Guesthouse Sint Eustatius

Djamars: Sint Maarten

  • Kòmbersashonnan ku Gobernador, presidente di parlamento i presensiá Konseho di Minister
  • Presentashon “Elderly Project” Sint Maarten Development Foundation
  • Bishita na wardakosta

Djárason: Boneiru

  • Kòmbersashonnan ku Kolegio Ehekutivo i Konseho Insular
  • Bishita na e proyekto di naturalesa

Djaweps: Aruba

  • Kòmbersashonnan ku minister-presidente, Gobernador i presidente di parlamento
  • Bishita na e edifisio “Gemeenschappelijk Hof” (ku medionan di FDA)

Djabièrnè: Kòrsou

  • Kòmbersashonnan ku minister-presidente i Gobernador
  • Bishita na proyekto Koraal Carmabi
St.Eustatius