SZW ta stòp di pone mediadó disponibel pa Mariadal

Hefe di SZW Hulanda Karibense, Eric Brakke, den estrecho konsulta ku mediadó señor Pontillius, a disidí pa no pone servisio di mediashon disponibel mas den e negosiashon di ‘cao’ pa Fundashon Mariadal. Motibu pa esaki ta pasó dunadó di trabou no ta partisipá mas na e kombersashonnan. 

Eric Brakke

Brakke: “Fin di ougùstùs SZW a pidi mediadó pa negoshá den e konflikto ku a surgi na Fundashon Mariadal. SZW ta paga e gastunan di e mediashon aki. E mediadó a determiná ku dunadó di trabou no ke papia mas ku sindikato. Un kondishon pa mediashon ta ku tur dos partido mester sinta ku otro na mesa. Awor ku esaki no ta e kaso mas, mi ta para e kontribushon di SZW. Mi ke gradisí e mediadó señor Pontillius i tambe mediadó partikular señora Tromp, pa nan esfuersonan.”

Tira bista tambe na