Froude ku petishon di TWV atendé
Hefe di unidat SZW di RCN a disidí ku, pa un temporada di un aña, lo no otorgá pèrmit di trabou na kompanianan afiliá na dos persona (dunadó di trabou) spesífiko na Boneiru. Esaki, paso kompania di e personanan aki a entregá dokumentu falsu ora di pidi pèrmit di trabou anteriormente i tambe repetidamente nan no a tene nan mes na leinan aplikabel.
Pa protehá merkado laboral lokal, dunadó di trabou na Hulanda Karibense mester reklutá personal lokal. Si apesar di tur esfuerso esaki no logra, bou di sierto kondishon ta posibel pa empleá trahadó estranhero via di un pèrmit di trabou. Apesar di e importansia di protehá merkado laboral lokal, unidat di SZW ta tene kuenta tambe ku e situashon di dunadó di trabou. Pa por hasi esaki korektamente, ta importante pa atendé ku práktikanan froudulento. E desishon di unidat SZW ta pará lòs di un posibel persekushon penal.