Supsidio 'Oportunidat pa tur mucha' ta kuminsa pronto
Tur mucha mester por partisipá. Tambe muchanan ku ta lanta den un famia ku un entrada abou. Ku e areglo di supsidio Oportunidat pa tur mucha, gabinete ta pone rekursonan disponibel pa yuda muchanan.
E areglo di supsidio ta destiná pa suministrá nesesidatnan ku muchanan entre 0 i 18 aña tin falta di dje pa motibu di falta di sèn. Mester ofresé e muchanan e rekursonan den ‘natura’ (produkto i servisio na lugá di sèn).
Organisashonnan ku tin bon plan pa yuda muchanan, por hasi un petishon pa supsidio. Ku e sèn ku risibí por sòru pa por ehèmpel pa kuminda salú na skol, lèsnan di landamentu pa muchanan ku nan mayornan mes no por paga p’esei òf por ehèmpel pa lès di muzik òf un instrumènt. Ta trata aki di organisashonnan sin ganashi ku un personalidat hurídiko, manera skol-, fundashon-, iglesia- i asosiashonnan. Aña pasa a aprobá 19 proyekto na Boneiru. Saba por a ehekutá 10 proyekto i na Statia 8 proyekto ku ta bai sigui.
E aña aki organisashonnan por entregá un plan for di promé di mei te ku 15 di mei. Despues di esei ta evaluá e plannan segun e sekuensia ku nan a drenta. Si aprobá un plan, e organisashon por risibí supsidio te ora alkansá e plafòn di e supsidio. Asina e rekursonan por yega rápido na e muchanan. Asina tur mucha por partisipá.
Riba tur tres isla lo organisá reunionnan informativo den e lunanan febrüari i mart. Si bo tin kualkier pregunta bo por tuma kontakto via di e e-mail adrès KansenvoorallekinderenCN@minszw.nl.