ZVK konsiderando alternativa pa tratamentu den hospital na Aruba
Debí na sirkunstansianan di índole tékniko, Hospital Dr. Horacio Oduber di Aruba por lo pronto a kanselá tur intervenshon kirúrgiko den e instituto . Relashoná ku esaki, Ofisina di Seguro di Kuido Médiko Hulanda Karibense (ZVK) a disidí pa temporalmente posponé mandamentu di aseguradonan ku mester risibí tratamentu den e hospital enkestion.
ZVK, den estrecho konsulta ku dunadónan di kuido di Boneiru, Saba i Sint Eustatius lo sigui vigilá e situashon aki i si ta nesesario, ofresé un alternativa na aseguradonan ku tin un sita kaba pa tratamentu den e hospital aki.