Promé paso den mehorashon di alohamentu di SGB
Djabièrnè último tabatin e apertura ofishal di e salanan di gemnastik di Scholengemeenschap Bonaire. Esaki a sosodé bou di supervishon di señor Oleana (Hefe di departamentu RCN-OCW), señor Cecilia (OLB, diputado S&Z) i señor Van Efferink (direktor general di SGB). A entregá i utilisá e salanan di gemnastik riba 20 di òktober 2017.
Ku e proyekto aki a pone e promé paso den mehorashon di e alohamentu nobo pa SGB. Tambe tin tres poyekto di alohamentu mas pa SGB den preparashon:
- Ekspanshon di Liseo na Kaya Amsterdam, pa akinan por alohá mavo, havo i vwo. Lo utilisá e ekspanshon aki na aña eskolar 2018-2019.
- Lo utilisá e konstrukshon nobo di mbo medio 2021/2022.
- Medio 2022 lo utilisá e konstrukshon nobo di vmbo i di e “Luganan pa siña spesial ('Speciale Leerplaatsen').
E plan maestro nobo pa SGB tin un repartishon kla i transparente di gruponan di enfoke, di kua kada grupo tin su propio edifisio.
Kuater proyekto
E kuater proyektonan aki pa SGB ta parti di e plan di alohamentu pa enseñansa na Boneiru, finansiá konhuntamente pa entidat públiko Boneiru (OLB) i ministerio di Enseñansa, Kultura i Siensia (OCW). Rijksvastgoedbedrijf na nòmber di OCW ta koordiná ehekushon di e diferente proyektonan ku ta forma parti di e plan akí.
E diseño di e salanan di gymnastik ta di Streefkerk Architects & Consultants den kolaborashon ku DMV Architecten. VOF Haafkes Bonaire a realisá e salanan di gemnastik.
E arkitekto di Liseo i mbo ta Jacobs Architekten den kolabrashon ku e ‘atelier’ PRO. VOF Haafkes Bonaire ta realisando Liseo.