Resultado positivo kùrmentu pa nombramentu empleadonan nobo di Kuerpo di Bombero
Resientemente 11 aspirante di e kuerpo di bombero Hulanda karibense (BKCN) a pasa e kùrmentu pa nombramento ku eksito. E aspirantenan, 7 di Boneiru, 3 di Saba i 1 di Sint Eustatius, for di 28 di yanuari ta hasiendo e estudio pa Manschap-A.
Aki nan ta siña tur kos tokante di kombatimentu di kandela, ayudo tekniko i aksidente ku supstansianan peligroso. Tambe nan ta sigui un estudio di kombatimentu di kandela di avion. Ademas di e abilidatnan aki tambe ta un eksigensia pa aproba e aspirantenan durante di e kùrmentu pa nombramentu.
Fet ta seguridat
Traha na brantwer por ta fisikamente i mentalmente pisá. Pa hasi bo trabou komo empleado di brantwer na un manera bon i seif ta un eksigensia pa bo ta fet i saludabel. Pa e motibu aki e eksamen pa nombramentu ta konisti di un eksamen fisiko (deportivo), un eksamen mediko i un eksamen di miedu di haltura.
Eksamen pa empleadonan aktual
Pa e empleadonan aktual di BKCN tambe un bon salú i forma fisiko ta di importansia pa por traha seif. Pa e motibu aki for di fin di 2018 ta bai organisa un eksmane similar pa tur empleado ku tin un funshon operashonal fisiko i mentalmente pisá. BKCN ta fasilitá e empleadonan den preparashon pa esaki dor di entre otro ofrese oportunidat deportivo i guia, un kancha pa trein pa e eksamen fisiko, ‘lifestylecoaching’ i konseho riba e tereno di nutrishon saludabel.