Wibo di Vries; di trahadó di institushon penitensiario pa direktor, un hubileo di 30 aña
Wibo a kuminsá su karera na e Servisio di Institushonnan Hudisial na 1988 den e prizòn di Bijlmer.
Despues ela traha na Noordsingel na Rotterdam, e Institushon Penitensiario na Leeuwarden i e prizon Norgerhaven na Veenhuizen pa na aña 2009 muda pa Kòrsou pa duna asistensia na e prizòn SDKK. Na 2013 ela solisitá pa e funshon di direktor suplente na JICN Boneiru i for di e momentu ei Wibo a drenta servisio lokal di Rijksdienst Caribisch Nederland. For di promé di aprel 2017 Wibo ta direktor di JICN. Wibo ta un hòmber ku hopi eksperensia, ku a haña su lugá na Boneiru i ku ke sigui traha pa yega na un bon prizòn pa Hulanda Karibense. E ta empeñá su mes tambe pa fortalesé e kadena hudisial den region.