Direktornan di prizònnan di Sint Maarten, Aruba, Boneiru i Kòrsou ta reuní pa di dos biaha na Boneiru
E reunion di direktornan a tuma lugá pa di dos biaha na Boneiru.
For di 2016 a intensivá e struktura di reuní i e direktornan di e prizònnan di Sint Maarten, Aruba, Boneiru i Kòrsou ta aspirá pa un kolaborashon mutuo optimal. Bou di kolaborashon por ehèmpel ta kai traslashon di detenido, estudio, i kolaborashon riba e área di régimen di detenshon. Traha konhuntamente ta duna energia i tur e direktornan ta di akuerdo ku tin hopi bon posibilidat pa reforsá e kolaborashon i ku esaki reforsá e efisiensia tambe denter di e sektor prizonero regional.