Lider i personal di skol na Hulanda Karibense ke mas influensia riba nan kondishonnan laboral

Riba 23 i 25 di òktober último, representante di direktiva di skolnan, direktiva i personal respektivamente di Boneiru i Sint Eustatius a reuní durante un konferensia di formashon di kòntrakt kolektivo di trabou. Durante di e konferensia a trata  kontenido di kòntrakt kolektivo di trabou i partisipashon di empleado. Na Boneiru sindikato di skol, Simabo, tambe tabata presente na. For di e konferensia a sali vários punto di mehorashon ku mester kondusí espesialmente na mas partisipashon di skolnan lokal den nan kondishonnan laboral.

Lider i personal di skol na Hulanda Karibense ke mas influensia riba nan kondishonnan laboral
Partisipantenan na Sint Eustatius

Ministernan di OCW Van Engelshoven i Slob ta deseá pa instansianan eskolar na Hulanda Karibense mes regla nan asuntunan i, kaminda ta nesesario, haña sosten di ministerio. Huntu ku skolnan na Hulanda Karibense ke yega na un desishon pa mehorá kombersashon tokante  kondishon laboral.

E konferensia titulá Arbeidsvoorwaarden onderwijs: wie is aan zet? ta e promé paso pa logra e meta aki.Temanan ku ke ehersé mas influensia riba dje ta entre otro maneho di empleado séniòr, tempu di empleo, profeshonalisashon, limitá preshon di trabou i insentivo pa mantené empleado. Durante e konferensia a bira evidente ku mester traha huntu pa por ehersé mas influensia riba e kondishonnan laboral.  

Partisipashon di empleado
Na 2014 a introdusí partisipashon di empleado parsialmente na Hulanda Karibense. Durante e konferensia a bira evidente ku sierto skol ya a implementá partisipashon di empleado aktivamente basá riba un konvenio. Na mes momentu tur partido tin nesesidat pa ta envolví ku e kontenido i formashon di partisipashon di empleado na skol. Asina skolnan por hasié mas atraktivo pa bira miembro di e konseho di partisipashon di empleado, dor di por ehèmpel laga dosentenan ehersé tareanan bou di ora di trabou. Un bon kolaborashon entre dosente, mayor i alumno ta kontribuí na funshonamentu positivo di e skolnan. Pronto lo organisá un reunion ku skolnan na Saba pa trata diferente tema. Awor ta toka turno na  skol i empleadonan.

Ku sosten di OCW lo ehekutá e resultadonan di e tres reunionnan den un plan di akshon pa asina implementá e metanan deseá, tantu pa kondishonnan laboral i partisipashon di empleado.