Subida di preis ta mas haltu na Boneiru i Saba ku na Sint Eustatius

Den e di tres kuartal di 2018 e preisnan pa konsumidó na Boneiru tabata 3,5 porshento mas haltu ku un aña anterior.

Subida di preis ta mas haltu na Boneiru i Saba ku na Sint Eustatius
Image: Z.ePhotography

Na Sint Eustatius i Saba tambe e preisnan riba base anual a subi; respektivamente 1,1 porshento i 4,4 porshento. Esaki CBS ta partisipá a base di e índise di preis pa konsumidó (CPI).

índise di preis pa konsumidó (CPI) Hulanda Karibense

E subida di preis na Boneiru tabata 3,5 porshento den e di tres kuartal. Den e di dos kuartal esei tabata ainda 3,0 porshento. E preisnan pa konsumidó a subi partikularmente mas fuerte pasobra koriente a bira promedio 18 porshento mas karu ku un aña anterior. Den e di dos kuartal di 2018 esaki tabata ainda 6 porshento. Gasolin a bira kasi 17 porshento mas karu riba base anual.

No ta tur preis a subi na Boneiru. Asina alimento manera fruta i bèrdura fresku a bira mas barata ku un aña anterior.

Preisnan pa konsumidó 1,1 porshento mas haltu na Sint Eustatius
E preisnan pa konsumidó na Sint Eustatius a subi den e di tres kuartal ku 1,1 porshento kompará ku un aña anterior. E subida den e di dos kuartal tabata 1,2 porshento. Partikularmente e preisnan mas abou di alimento, manera fruta fresku i batata, a tene e subida di e preisnan pa konsumidó abou. En kambio e desaroyo di preis di koriente tabatin un efekto di oumento na Sint Eustatius tambe.

Preisnan na Saba a sigui subi
Preisnan pa konsumidó na Saba tabata 4,4 porshento mas haltu ku un aña anterior; den e di dos kuartal esaki ainda tabata 3,2 porshento. Partikularmente alimento i artíkulonan di baño a bira mas karu. Mas aleu preis di koriente a subi na Saba tambe, konkretamente ku mas di 10 porshento riba base anual. En kambio, paña a bira mas barata ku un aña anterior.

Sifranan tentativo
E sifranan tokante e terser kuartal di 2018 ta tentativo i lo determiná nan definitivamente ora hasi publikashon tokante e di kuater kuartal di 2018.

Fuente:
StatLine: Caribisch Nederland

Ahuste di sifranan
A ahustá pa Boneiru i Sint Eustatius e sifranan di índise pa e serie 2017=100. E sifranan pa Saba ta keda intakto. E ahustenan ta konsekuensia di un korekshon riba e kambio di e base.