ZVK ta tuma medidanan relashoná ku seramentu di pista di aterisahe na Saba

Notisia | 30-08-2018 | 15:51

A palabrá ku e médikonan na Saba ku ta manda pashèntnan, ku en prinsipio lo plania i ehekutá tur baimentu afó pa tratamentu médiko pa Sint Maarten, Saint Martin, Guadeloupe, Kòrsou, Aruba, Boneiru, Colombia òf Hulanda, ku no ta urgente, sea promé òf despues di seramentu di e aeropuerto.

Den kasonan ku resultá ku baimentu afó pa tratamentu médiko tòg ta nesesario, a palabrá ku e médikonan ku ta manda e pashèntnan, ku esaki lo tuma lugá ku fèri. Relashoná ku esaki ZVK a sera akuerdonan kontraktual ku Saba Sea Transport, pa transporte diario entre Saba i Sint Maarten ku e fèrinan “Dawn II” i “Big B”. Aseguradonan ku ta deseá di hasi e biahe ku e fèri “Edge”, por deklará e gastunan al respekto serka ZVK despues ku nan regresá Saba. E orario di nabegashon di e tres fèrinan ta lo siguiente:

Pa loke ta trata evakuashonnan di emergensia ku helikòpter, manera ta konosí, esakinan lo keda disponibel durante e periodo ku e pista di aterisahe ta será. Den kooperashon ku entidat públiko Saba a tuma medidanan spesial al respekto, entre otro a apuntá un sitio di aterisahe spesial na e aeropuerto. Ademas ZVK a stashoná resientemente un di dos tripulashon pa e helikòpternan na Sint Eustatius, di manera ku disponibilidat di un aparato pa eventual situashon di emergensia na Saba ta keda garantisá.