Sint Eustatius ta afiliá ku parke reservá Yarari
Riba 20 di sèptèmber 2018 señora Carola Schouten, Minister di Agrikultura, Naturalesa i Kalidat di Kuminda i señor Mike Franco, Komisario di Gobièrnu di Sint Eustatius a firma e deklarashon Yarari na Den Haag. E awanan di Sint Eustatius ku esaki a bira parti di e di diesun parke reservá di mamífero marino i tribon na mundu. E nòmber di e parke reservá, Yarari, ta un palabra Taíno indjan ku ta nifiká ‘un lugá agradabel’.
E ophetivo di e reservá akí ta pa aktivamente protehá e poblashon disminuí ‘di tribon i mamífero marino. St. Eustatius National Parks Foundation (STENAPA) ku tabatin un ròl importante den esaki, ta felisitá Entidat Públiko di Sint Eustatius i su abitantenan ku e afiliashon na e parke reservá Yarari. Den e añanan tras di lomba STENAPA a komprometé su mes aktivamente ku protekshon di tribon i mamífero marino i lo keda hasi esaki den futuro tambe.
Ku e firmamentu aki Sint Eustatius ta siguí e Entidatnan Públiko di Boneiru i Saba, ku ya a firma e deklarashon akí anteriormente. Den e reserva Yarari, ku banda di e awanan di Boneiru i Saba awor ta kubri e awanan rònt di Sint Eustatius tambe, protekshon di tribon i mamífero marino manera por ehèmpel bayena, awor ta ratifiká.
Tribon i mamifero marino ta hunga un ròl importante den ambiente marino. Kaminda tin mas tribon, kontrario na loke hende por pensa, tin tambe mas piská. Ku esaki e kreashon di e parke reservá akí ta importante tambe pa sektor di peska riba e isla, ku a indiká di ta pro e reserva. Mamíferonan marino, meskos ku tribon, ta importante pa turismo den region Karibense.