A anulá prohibishon di wèlga Fundashon Mariadal
E prohibishon di wèlga na Fundashon Mariadal, anunsiá 27 di ougùstùs na nòmber di minister di Asuntunan Sosial i Labor, a anulá despues di ocho dia dor di Hefe di SZW Hulanda Karibense, señor Eric Brakke.
Dia 28 di ougùstùs señora Lee-Tromp a biaha di Aruba pa Boneiru, unda Representante Suplente di Reino, señor Jan Helmond, a nombr’é i hurament’é komo mediadó partikular. E mesun atardi tabatin e promé kombersashon entre e mediadó, Fundashon Mariadal i miembronan di sindikato. Riba 3 di sèptèmber señora Lee-Tromp a informá ku e trayekto di mediashon a inisiá.
Awor ku, konforme Lei di Konfliktonan di Labor BES (Arbeidsgeschillenwet BES) e partidonan a pidi intermediashon di mediador, i lei ta stipulá ku durante mediashon no por wèlga, intervenshon di SZW no ta nesesario mas.