Dia di Profeshonal pa Hóben 2018 na Saba i Sint Eustatius
Riba inisiativa di un kolaboradó di Jeugdzorg en Gezinsvoogdij Caribisch Nederland (JGCN) e aña aki a para ketu na e Dia di Profeshonal pa Hóben na Hulanda Karibense, ku primisia eksitoso na Sint Eustatius i Saba riba 28 i 30 di ougùstùs.
Riba e dianan aki a pone atenshon na e profeshonalnan ku ta traha den e kadena di ayudo pa hóben. E enfoke di e programanan di dia tabata e tema “Kolaborashon Lokal”, kaminda a trata e identidat i fiamentu di posishon di e profeshonal di hóben, pero prinsipalmente kolaborashon mutuo tabata sentral. Partisipantenan tabata partidonan interesá manera representantenan di Entidatnan Públiko, Mental Health Caribbean (MHC), yudansa pa víktima (slachtofferhulp), de zedenpolitie (polis di moral públiko), akohida despues di skol dirigí riba muchanan entre 4 i 18 aña i dòkternan di mucha.
Tabata tin tayernan tambe kaminda a aliniá e asina yamá “visieborden”, bòrchinan di vishon, dirigí riba kolaborashon lokal i e mira riba esaki den futuro. E bòrchi ta un instrumento pa krea fókùs riba un meta. E bòrchinan tabatin preguntanan pa e presentenan manera, ki ròl nan ta hunga pa ku ayudo pa hóben i kiko nan ta haña mas importante pa un kolaborashon mas mihó i efisiente dentro di e kadena. A presentá e resultadonan na fin di e tayer.
Riba 15 di sèptèmber 2017 Reina Máxima a habri e promé Dia di Profeshonal pa Hóben, na Stichting Kwaliteitsregister Jeugd (SKJ) na Hulanda. Na interes di e mucha JGCN ku e inisiativa aki ta dirigí su mes riba desaroyo di kolaborashon dentro di e kadena di ayudo pa hóben. Na Boneiru tambe JGCN lo inisiá e dia spesial aki riba 14 di sèptèmber. Esaki pa e motibu ku JGCN ta aspirá pa realisá un mihó kolaborashon lokal, pa asina duna e kuido di mas mihó pa ku Kuido pa hóben pa muchanan na Boneiru, Sint Eustatius i Saba'
