ZVK ku areglo pa garantisá transporte aéreo efisiente pa su aseguradonan
Aseguradonan di ZVK di Boneiru, Saba i Sint Eustatius ku mester bai afó pa tratamentu òf konsulta médiko, no ta bai Venezuela ni no ta bai via Venezuela.
Ofisina di Seguro di Kuido Karibe Hulandes (ZVK) ta duna di konosé esaki. A tuma e medida aki relashoná ku seramentu temporal di frontera entre Venezuela i Boneiru, Aruba i Kòrsou.
Mayoria referensia médiko pafó di Boneiru ta pa Kòrsou, Aruba i Colombia. For di Saba i Sint Eustatius aseguradonan ku mester bai afó pa tratamentu médiko, por lo general ta bai Sint Maarten/San Martin, Guadeloupe i Colombia. Un porsentahe chikí di aseguradonan di ZVK na e tres islanan ta bai Hulanda pa tratamentu médiko.
Aseguradonan di ZVK di Boneiru, Saba i Sint Eustatius no mester ta preokupá pa e situashon ku a surgi ku seramentu temporal di frontera entre Venezuela i e islanan. E echo ku ainda no ta posibel pa buk pasashi serka Insel Air, e situashon ta keda prekario ainda. Tambe e anulashon di buelonan di Winair entre Sint Maarten i Kòrsou i posponementu di inisio di buelonan dor di CN-Express. Pa e servisio di ZVK pa ku e konekshon aéreo e situashon ta keda prekario ainda. Biahamentu di aseguradonan mester ta mas konfortabel i efisiente posibel. Pa por logra esaki ZVK mester yega na areglonan spesial.
Relashoná ku esaki, ZVK a yega na palabrashonnan ku e kompania aviashon arubano, Aruba Airlines pa konekshon aéreo entre Boneiru, Aruba i Kòrsou, i ku e kompania kolombiano spesialisá den transporte médiko aéreo, SARPA pa buelonan na diferente destinashon na Colombia.
Konfiabel, hustu i aksesibel ta balornan pa kua ZVK ta para p’e. Ta p’esei ZVK lo sigui hasi tur loke ta den su alkanse pa garantisá esaki pa tur persona ku tin derecho riba seguro di kuido.