Sekretario di Estado Knops ta bishitá Aruba, Boneiru i Kòrsou
Sekretario di Estado Knops (Asuntanan Interno i relashonnan den Reino) ta bishitá e tres Islanan Abou di djaluna 8 di yanüari te ku djadumingu 14 di yanüari 2018.
E sekretario di estado lo sera konosí mas di aserka ku e gobiernunan di e islanan i tambe hiba kombersashon ku representantenan di industria i komersio, ku e medio kampo sosial i ku NGO’s nan.
“ Mi ta enkantá ku mesora na komienso di 2018 mi por bishitá e parti aki di nos Reino,” segun sekretario di estado Knops. “Despues di mi bishita resien na e Islanan Ariba mi ta haña importante pa rapidamente sera konosí ku Aruba, Boneiru i Korsou tambe. Mi ke hasi uzo di e bishita pa tende dilanti di kua retonan e dos paisnan i e entidat publiko ta pará, kua ambishonnan nan tin i kon nos por duna e kolaborashon forma pa e periodo benidero. Ademas mi ke uza e bishitanan di trabou i e kombersashonnan pa haña impreshonnan di e manera di biba i traha riba e tres islanan.”
E programa di sekretario di estado Knops ta inisiá na Boneiru riba djaluna 8 di yanüari parti mainta. Djamars 9 di yanüari den oranan di anochi e ta yega Kòrsou. Finalmente e sekretario di estado ta bishitá Aruba kaminda e ta yega den oranan di atardi di djaweps, 11 di yanüari.