Minister Grapperhaus ta bishitá Boneiru
Minister Grapperhaus (Hustisia i Siguridat) lo bishitá Boneiru riba djaluna 16 i djamars 17 di yüli den kuadro di e Justitieel Vierpartijenoverleg (JVO). Durante di e reunion e lo papia ku e ministernan di Hustisia di Aruba, Kòrsou i Sint Maarten. E reunion ta tuma lugá dos biaha pa aña, e biaha aki bou di presidensia di Hulanda.
“E reunion entre Hulanda, Aruba, Kòrsou i Sint Maarten ta importante pa sigui konstruí nos koperashon permanente, na un manera nobo i inovativo, mas intensivo òf riba terenonan unda ku ainda nos no a hasi esaki. Huntu nos ta enfrentá kriminalidat den nos Reino i nos ta invertí den nos siguridat.”
Temanan ku e biaha aki ta na promé lugá riba e agènda ta fortifikashon di koperashon di investigashon, e aserkamentu konhunto di kriminalidat ku ta krusa frontera i e fortifikashon di mantenshon di órden den koperashon ku Merka.
Banda di e JVO, Grapperhaus tin reunionnan ku Representante di Reino suplente Jan Helmond i Gezaghèber di Boneiru Rijna. Tambe e ta sera konosí ku señor Ter Steege, fiskal mayó di hustisia pa e islanan BES i e hues nobo na Boneiru señor Gerard.