Ofisina di Kuido BES ta sera un kombenio ku FKBO
E lei “Maatschappelijke Ondersteuning“ (sosten sosial, WMO) ku ta konta na Hulanda Oropeo no ta eksistí na e islanan Boneiru, Sint Eustatius i Saba.
No opstante e Ofisina di Kuido (ZVK) ta haña hopi importante pa e fasilidatnan den e lei aki konta pa Hulanda Karibense tambe. Pa e motibu aki e siman aki a sera un kombenio ku Fundashon Kuido pa Bista i Oido (FKBO). Den e kombenio aki tin palabrashonnan tokante 4 fasilidat pa personanan ku mester di sosten sosial: yudansa doméstiko, fasilidat di kuminda, fasilidat di transporte i adaptashonnan chikitu na kas. Na Saba i Sint Eustatius tambe lo sera kombenionan pa sigurá e mehorashon di kuido i bienestar.