Konferensia Konstruktivo Ministernan di Hustisia
Awe ministernan di Hustisia Grapperhaus (Hulanda), Bikker (Aruba), Girigorie (Kòrsou) i De Wever (Sint Maarten) a reuní pa e konferensia ‘Justitieel Vierpartijen Overleg’ (JVO) kual ta tuma lugá kada seis luna. E biaha akí na Boneiru, bou di presidensia di Hulanda.
Grapperhaus: ‘Mi koleganan Bikker, Girigorie, De Wever i ami por mira atras ku satisfakshon na un deliberashon intensivo i konstruktivo. Huntu nos a enfatisá e importansia pa uni forsa.’
Durante e konferensia a papia tokante e lucha eksitoso kontra kriminalidat organisá i a hasi palabrashon pa fortalesé i inová kolaborashon di reshèrshi ainda mas. Tambe a hasi palabrashon tokante mehorashon di vigilansia di frontera. Ademas a para ketu na ehekushon di e legislashon Oropeo nobo (AVG) tokante interkambio di datonan personal i kolaborashon riba e tereno akí entre e paisnan den Reino.
Na final di JVO e kuater ministernan, den presensia di algun komandante di brantwer, a firma un akuerdo di kolaborashon entre kuerponan di bombero di Kòrsou, Aruba, Sint Maarten, Boneiru, Saba i Sint Eustatius.
E siguiente JVO ta tuma lugá yanüari 2019 bou di presidensia di Aruba.