Eric Brakke Hefe nobo di SZW
Entrante 30 di yüli 2018 señor Eric Brakke ta hefe nobo di e unidat di RCN di Asuntunan Sosial i Labor (SZW).
Anteriormente señor Brakke a traha na Ministerio di Hustisia i Seguridat i tambe na Ministerio di Asuntunan Interno i Relashonnan den Reino. E tin bastante eksperensia den partinan Karibense den Reino.
Eric Brakke ta sigui señora Margreth de Groot, ku a okupá e funshon akí e último kuater añanan. Señora De Groot lo ta na Hulanda Karibense ainda durante luna di ougùstùs pa traspaso di trabounan.