Entrega di edifisio nobo di Liseo Boneriano

A entregá  e ‘Ekspanshon di Liseo Boneriano’ den e bario di Hato. Liseo Boneriano lo hasi uso di e edifisio nobo aki entrante di otro aña eskolar.

Alumnonan di Liseo Boneriano na e edifisio nobo.

Aproksimadamente 480 alumno di mavo, havo i vwo lo hasi uso di e edifisio nobo situá na Kaya Amsterdam. Un miembro di konseho di studiante (vwo i havo), di Liseo Boneriano, a informá i invitá alumnonan di mavo kordialmente pa bishitá e edifisio nobo. Na e manera aki e tres nivelnan di studiantenan (mavo, havo i vwo) por traha konhuntamente i influensia otro positivamente. E edifisio nobo tambe ta kontribuí na e lema ‘Preparando nos studiantenan pa éksito den nos mundu dinámiko’. 
Ta realisá esaki dor di por ehèmpel enseñansa den forma di proyekto i organisando presentashonnan riba e tereno nobo di Kolegio Boneriano, kua ta konstruí pa e meta aki.       

E edifisio tin tambe un sentro habrí pa siña kaminda alumnonan por traha trankil na e momentonan apropiá.  Señor Reynolds (Nolly) Oleana, hefe di departamento di Edukashon, Kultura i Sensia (OCW) na RCN, ta sumamente entusiasmá despues di a bishitá e edifisio nobo. Nolly a duna di konosé ku e edifisio ta: ‘kolorido den kolonan Karibense i tin un aspekto fantástiko’. Diputado Edsel Cecilia a agregá agredí ku: ‘e tambe ta hopi entusiasmá over di e edifisio nobo’. Kolegio Ehekutivo ta spera ku alumnonan lo hasi bon uso di e edifisio i esaki lo inspirá nan pa traha huntu na futuro di Boneiru.  

E konstrukshon di e edifisio nobo ta parti di e plan di proyekto di akohida pa edukashon pa Boneiru (Onderwijshuisvestingsplan Bonaire). Entidat Públiko Boneiru, huntu ku  Ministerio di Enseñansa, Kultura i Siensia (OCW) ta finansiá esaki. E arkitektonan Jacobs Architekten di Boneiru i Atelier PRO for di Hulanda a deseña e edifisio. E kontratista VOF Haafkes a realisá e ekspanshon di Liseo Boneriano . 

Den e añanan benidero, riba òrdu di Entidat Publiko Boneiru i OCW, Rijksvastgoedbedrijf lo bai renobá kolegio Pelikaan, kolegio Kristu Bon Wardador i  e departamentonan vmbo, mbo di Liseo Boneriano situá na kaya Frater Odulfinus.