Sekretario di Estado Blokhuis ta bishitá e Area Karibense
Di djaweps 21 di yüni te ku djárason 27 di yüni, Sekretario di Estado Blokhuis (VWS), ta bishitá un seri di institushonnan di kuido riba e islanan di Islariba, Saba i Sint Eustatius.
Salubridat Públiko, kuido pa ansiano, i kuido pa hubentut den Hulanda Karibense, ta kai bou di e responsabilidat di e Sekretario di Estado di VWS.
Empeño èkstra pa ku maneho di prevenshon
Durante di e bishitanan aki Blokhuis prinsipalmente ke hiba kombersashon ku gobernantenan, profeshonalnan i habitantenan di e islanan tokante di e posibilidatnan pa empeño èkstra riba e maneho di prevenshon pa Hulanda Karibense. Prevenshon ta un punto di atenshon komo ku den Hulanda Karibense tin relativamente hopi kaso di obesidat, hopi hende no ta move sufisiente, e uzo di alkohòl ta relativamente haltu i muchanan tin hopi di aber ku ‘meeroken’.
Sint Maarten i Kòrsou
E bishita di e Sekretario di Estado ta inisiá ku partisipashon na e ‘vierlandenconferentie’ na Kòrsou riba djabièrnè 22 di yüni 2018. Na e konferensia aki ministernan di Aruba, Kòrsou, Hulanda i Sint Maarten ta traha afspraknan tokante di – kon pa sostené otro ku- e implementashon di, i kon pa mantené e ‘Internationale Gezondheidsregeling’ di WHO den e parti Karibense di Reino.
Na Sint Maarten Blokhuis ta bishitá entre otro e ‘Sint Maarten Medical Center’ i e lo hiba kombersashon tokante di e konsekuensianan di orkan Irma en konekshon ku kuido médiko pa e habitantenan di Sint Maarten i habitantenan di e otro islanan di Islariba ku ta dependé di Sint Maarten pa sierto tipo di kuido médiko.