Akohida pa mucha na Hulanda Karibense
For di 19 te ku 21 di yüni 2018 ámtenarnan di Entidat Públiko di Boneiru, Sint Eustatius, Saba i ministerionan di Asuntunan Sosial i Labor, Enseñansa, Kultura i Siensa i Salubridat Públiko, Bienestar i Deporte a papia tokante akohida pa mucha na Hulanda Karibense.
Durante e enkuentro di trabou a eksplorá na unda i kon e Entidatnan Públiko i ministerionan por traha huntu. Tambe a pone e promé pasonan pa un plan konhunto di aserkamentu di mas aña. Despues di berano lo pone e stapnan kontinuativo, na manera ku promé ku fin di aña aki por tuma un desishon atministrativo. Último kuartal di aña lo plania un reunion ku e organisashonnan ku ta ehekutá akohida pa mucha i enseñansa, pa por tende kiko nan pensamentu ta di e plannan.
Tur partisipantenan ku a partisipá na e enkuentro a pone énfasis riba e importansia di un bon kolaborashon. Tambe nan a traha afspraknan di trabou pa e kontinuashon den e lastu kuartal di aña.