Sekretario di estado Knops i minister Ollongren ta bishitá Islanan Abou
Sekretario di estado Raymond Knops i Minister Kajsa Ollongren (Asuntunan Interno i Relashon di Reino) ta bishitá e islanan abou di 8 te ku 10 di aprel. Ta trata di un bishita di trabou regular pa Knops i pa Ollongren un promé introdukshon riba e islanan.
E biahe ta kuminsá ku un bishita di trabou na Aruba. Aya lo papia ku e Gobernador i algun miembro di gabinete. Despues ta hasi entre otro un bishita di trabou na Krus Kòrá i lo hiba kombersashonnan den e kadena ku ta atendé asuntu di estranheronan. Riba e di dos dia lo bishitá Boneiru. Banda di kombersashonnan ku e Kolegio Ehekutivo i Konseho Insular (nobo), lo bishitá instansianan manera Registro Sivil i Fundashon Cas Boneriano.
Riba e di tres i último dia e mandatarionan ta bishitá Kòrsou. Banda di kombersashonnan ku Gobernador i diferente miembronan di e gabinete, lo bishitá Pietermaai i Otra Banda den kuadro di ehekushon di e patrimonio kultural. Lo klousurá e bishita di tres dia ku un lùnch ku empresarionan, ku tin komo tema e balor ekonómiko di e sentro di siudat históriko.