Kafetaria di kuido di kriansa pa mayor di kriansa

Riba djaweps 11 e departamentu di Kuido pa hóben i bienestar di famia Hulanda Karibense (JGCN) a organisá e promé kafetaria di kuido di kriansa pa mayor di kriansa na Boneiru.

Durante di e anochi aki e mayornan di kriansa a haña informashon di direktor Curvin George tokante desaroyo rondó di kuido di kriansa. Tambe e profeshonalnan di kuido pa hóben a hiba palabra. Ekspreshon di apresio pa mayor di kriansa tabata pará sentral durante di e anochi.

Estreno di e kafetaria di kuido di kriansa tabata bou di guia di moderadó i profeshonal den kuido pa hóben, Areina Martina i e tema di e anochi tabata “union i e idioma di amor. E evento a tuma lugá na Fundashon Forma. Durante di e anochi tabatin tambe un ronda di pregunta i kontesta. E profeshonalnan di kuido pa hóben a haña oportunidat i pa papia ku e mayornan di kriansa i sera konosí mihó ku otro.   

Gratitut

E kafetaria di kuido di kriansa ta un inisiativa di JGCN pa ekspresá gratitut, duna informashon i pa yega mas serka di mayornan di kriansa. Komo e promé evento ku ta tuma lugá 3 biaha pa aña, hopi hende tabata presente i reakshon di e mayornan di kriansa tabata positivo.  
A organisá e promé enkuentro aki ku e meta di JGCN pa huntu sòru pa kada mucha ta seif kontinuamente.  JGCN ta gradisí tur ku tabata presente na e promé kafetaria di kuido di kriansai i ta gradisí tur ku a kontribuí pa hasi e anochi aki unu eksitoso.