Supervishon mas estrikto riba siguridat di boto rondó di Boneiru
Na nòmber di Konsulta Marítimo Boneiru ,Ofisina di Haf i Inspekshon di Nabegashon ta informá tokante reglanan di transportashon di pasahero riba boto. Komo resultado di e senkmentu di e yate registrá na Boneiru, Sherwanda, a surgi hopi diskushon den medionan (sosial). A resultá ku no ta kla pa tur hende si, i ki ora botonan por transportá pasahero kontra pago.
Ta rekerí sertifikado
Botonan por transportá pasahero kontra pago solamente si a emití sertifikadonan rekerí pa e boto, ku tambe mester ta bálido na e momento di salida. Na e momentu aki no tin boto registrá na Boneiru ku ta den poseshon di e sertifikadonan aki ku ta permití nan hasi biahenan pa Kòrsou, Klein Kòrsou i / òf subi laman grandi (por ehèmpel charter di piskamentu).
Seguridat
Pa seguridat di pasahero ta importante pa sa si un boto ta sertifiká. Sin regulashon i sertifikashon, un pasahero no por sa si un boto ta adekuá pa nabegá for di, i pa Kòrsou. Nan no sa e ora ei tampoko si tin ekipo korekto di seguridat òf ekipo pa paga kandela na bordo. I si e tripulashon ta dispone e abilidatnan adekuá pa nabegá e boto.
Kòntròl
En konekshon ku seguridat, for di awor lo kontrolá estriktamente den kolaborashon ku entre otro Wardakosta, KMar i Duana. Kaminda ta nesesario, outoridatnan lo aktua manteniendo òrdu.
Biaha ku famia i amigunan
No lo kontrolá boto di rekreashon ku ta nabegá riba laman ku famia i/òf amigu, al kontrario na botonan sertifiká. Awor tampoko outoridatnan lokal di haf i/òf inspektornan di Inspekshon di Nabegashon lo no kontrolá nan. Ta trata e ora ei di kontrolnan mirando si e boto ta ekipá pa nabegá riba laman i di kontrol di disponibilidat di ekipo korekto di seguridat òf ekipo pa paga kandela.
Informashon tokante sertifikashon
Personanan ku ke mas informashon tokante e prosedura di sertifikashon, por tuma kontakto ku NSICN via e-mail nsicn@rijksdienstcn.com, òf telefòn (+ 599) 715 8351. Tambe por pasa na Inspekshon di Nabegashon kual ta keda na ofisina di haf di Duana, e piso ariba, Wilhelminaplein 1, Kralendijk, Bonaire.