RCN-Komunikashon ta duna treinen na Kòrsou
Riba petishon di gobièrnu di Kòrsou, siman pasá dos empleado di e departamento di komunikashon di RCN a duna treinen na ekspertonan di komunikashon di vários ministerio di gobièrnu di Kòrsou.
Esaki entre otro den kuadro di e reakshon di gabinete (Kabinetsreactie op Voorlichting van de Raad van State en Interdepartementaal Beleidsonderzoek Koninkrijksrelaties) kaminda ta stimulá mas koperashon entre e isla i paisnan den Reino Hulandes.
Den luna di aprel di e aña aki direktor interino di komunikashon di asuntunan general di gobièrnu di Kòrsou tabata riba bishita di trabou na Boneiru pa haña informashon riba kon e departamento di komunikashon di RCN ta funshoná. Tambe ela haña un introdukshon di e vários èrmèntnan ku e departamento ta usa pa por hasi su trabou.
Despues di esaki a sigui un invitashon for di Kòrsou pa duna e siguiente trainingnan: Social Media Fundamentals, Relashon entre prensa i komunikashon i uso di social media monitoringtools.
Siman pasá e konseheronan di komunikashon tabata na Kòrsou pa duna mas o ménos 20 eksperto di komunikashon di gobièrnu di Kòrsou pa duna entrenamentu.
E reakshonnan tabata hopi positivo i a hasi palabrashon pa duna mas entrenamentu i hasi interkambio di konosementu i eksperensia entre e dos organisashonnan riba tereno di komunikashon.