Situashon di kaso di dama Venezolano na Boneiru

Riba djaluna 18 di febrüari a nenga un dama na estado di 33 aña di edat prosedente for di Venezuela pa drenta Boneiru. E dama no tabata kumpli ku e eksigensianan di atmishon manera stipulá den e Lei di Atmishon i Ekspulshon BES (Wet Toelating & Uitzetting BES).

Situashon di kaso di dama Venezolano na Boneiru

E lei ta stipulá ku personanan ku no ta kumpli ku e kondishonnan di atmishon e mester bandoná e pais. Pa motibunan humanitario òf  pa evitá eventual riesgonan di salú, Kmar a kanselá e vuelo di regreso di e dama i en konekshon ku e embaraso a pidi konseho médiko for di kua a resultá ku e dama por bula.

Dor di e preokupashon ku e komunidat Boneriano a ekspresá, gezaghèber a drenta den kontakto ku e Sekretario di Estado di Hustisia i Seguridat, bou di kende su responsabilidat e Lei di Atmishon i Ekspulshon BES (Wet Toelating & Uitzetting BES) ta kai. Ademas a hiba kombersashon tokante esaki ku Ministerio Públiko, polis i Koninklijke Marechaussee.

Koninklijke Marechaussee ta debidamente konsiente di e situashon difísil i a tene un kombersashon personal ku e dama. Den e kombersashon a splika e dama ku tanten e por bula segun konseho médiko, manera lei ta preskribí, e tin ku bandoná e isla. Na e momentunan aki e frontera entre e islanan ABC i Venezuela ta sera. Banda di esaki Koninklijke Marrechausse tabatin kontakto ku Servisio di Inmigrashon (IND) i e ministerio di Hustisia i Seguridat. Aki a palabrá ku si entregá un petishon pa reunifikashon familiar, lo no inisiá ku e proseso di regreso di esun konserní. Entretantu a entrega un petishon pa reunifikashon familiar. IND ta tratando e petishon aki.