Inspekshon di labor ta keda kontrolá strèn riba kaida di haltura
Siman pasa riba djárason 30 di yanüari, Inspekshon di labor a duna órden pa para trabou na un sitio di konstrukshon den Kaya Grandi na Boneiru. Esaki, komo ku empleadonan di un kompania di flèktu heru tabata traha riba un haltura di aproksimadamente 10 meter sin ningun forma di siguridat kontra kaida di haltura.
E inspektor a informá e empleadonan tokante e nesesidat di trahamentu seif. Despues nan por a sigui traha. E dia aki e dunadó di trabou a risibí solamente un atvertensia por eskrito. Riba djabièrnè promé di febrüari den oranan di mainta, Inspekshon di Labor mester a bolbe tuma akshon riba e mesun sitio di konstrukshon. E personanan ku ta flèktu heru tabatin e hárnas bisti, pero nan no tabata mará na e edifisio.
Motibu pa Inspekshon di Labor pa para e trabou di nobo. Tambe a supliká e dunadó di trabou pa pega un rant fuerte na e konstrukshon komo ku e personanan ku ta flèktu heru no tabata usa e hárnas manera debe ser. Inspekshon di Labor a duna e dunadó di trabou un prosès ferbal i tambe a duna e empleadonan un atvertensia por eskrito. Ta promé bia ku Inspekshon di Labor ta duna empleado tambe atvertensia.
Na Boneiru, Saba i Sint Eustatius tin un oumento den kantidat di aktividatnan di konstrukshon. Mas motibu pa kompanianan di konstrukshon kontrolá seguridat. Inspekshon di Labor ta keda kontrolá riesgo di kaida di haltura. Den kaso di violashon, ta duna prosès ferbal.