Manual pa skèn básiko di integridat di kandidatonan pa gobernante
Incorruptible administrators and governors are the basis of a strong and healthy democracy. Minister Ollongren (Home Affairs and Kingdom Relations) provides this Manual Basic Scan Integrity for administrators in order to strengthen a functioning, ethical and resilient administration.
Gobernante íntegro ta e base di un demokrasia fuerte i salú. Ku e manual pa skèn básiko di integridat pa gobernante, Minister Ollongren (Asuntunan Interno i Relashonnan den Reino) ta boga pa un gobièrnu ku ta funshoná bon, íntegro i ábil. El a entregá ‘dijkgraaf’ Rogier van der Sande (presidente di ‘Unie van Waterschappen’) e manual di integridat riba 4 di mart último. E manual ta optenibel pa tur partido polítiko i kandidato pa gobernante tantu na Hulanda Oropeo komo Hulanda Karibense. Ku e manual ta pone un base firme pa skrinen mas eksakto di kandidato pa gobernante.
Minister Ollongren: “ Integridat di gobernantenan ta krusial den nos demokrasia. Den gobièrnu ta trata di e konfiansa di e siudadanonan. Pa mi personalmente e ta hopi importante. Entretantu integridat ta pará haltu riba e agènda di gobernashon i esaki ta ku su rason. Pa tur hende ta importante pa nos tin gobernante íntegro, kuminsando na diputado te ku ministernan.”
Integridat
Na munisipio, provinsia, entidatnan públiko i ‘waterschappen’ tin e nesesidat di un proseso kla i eksakto ora ta trata di nombramentu di gobernante i mas uniformidat den e manera kua ta ehekutá análisis di rísiko riba integridat. P’esei a desaroyá e manual di skèn básiko pa kandidato pa gobernante.
Transparente
E manual aki ta pa munisipio, provinsia, ‘waterschappen’ i e entidatnan públiko Boneiru, Saba i Sint Eustatius. E ta ofresé puntonan di salida pa un preparashon i ehekushon transparente i eksakto di análisis di rísiko di integridat pa tur kandidato pa gobernante. Ku e manual aki e minister ta sostené gobernashon den nan obligashon legal pa ku integridat.
Ademas skrinen no ta un eksigensia legal pa nombra gobernante de-sentral. P’esei e ministerio di BZK no por eksigí esaki pero naturalmente si por fasilit’é. Esei ta sosodé ku e skèn básiko.
Si bo ke sa mas, por haña e manual aki:
https://www.politiekeambtsdragers.nl