Strukturalmente drecha kalidat di kuido di yu di kriansa
Sekretario di Estado Blokhuis (VWS) ke pa mucha na Hulanda Karibense tambe lanta mas tantu posibel na kas òf den nan propio ambiente, tambe ora tin problema di edukashon.
Ta preferá ayudo ambulante. Pero tin bia tòg por ta nesesario pa no laga un mucha biba na su kas. Un posibilidat importante di akohida ta mayor di kriansa, asina tòg e muchanan ta lanta den un situashon di famia. Blokhuis a hasi palabrashon pa permanentemente drecha e kalidat di kuido di yu di kriansa na Hulanda Karibense. Tambe e kompensashon pa mayor di kriansa ta bira igual na esun di Hulanda Oropeo. Asina mayor di kriansa ta haña un kompensashon ku ta pas serka e fase di bida di e yu di kriansa. E kompensashon lo subi pa mayoria di e 50 i piku mayornan di kriansa. Blokhuis a establesé e kuadronan aki huntu ku Jeugdzorg en Gezinsvoogdij (JGCN) a base tambe di kombersashon ku diferente mayor di kriansa i yu di kriansa.
Kada mucha un ambiente seif
Blokhuis: “Si ta trata di seguridat di nos yunan, un enfoke na Hulanda Karibense diferente di esun di Hulanda Oropeo no ta responsabel. Kada mucha meresé un bon komienso i tin e derechi di lanta den un ambiente seif. Nos no ta sera kompromiso tokante di esaki. Ta masha bon ku awor na Hulanda Karibense tambe a kuminsá ku introdukshon di e mésun standartnan haltu ora ta trata di ayudo i kuido pa nos hubentut. P’esei na Hulanda Karibense nos lo usa e mésun palabrashonnan ku esnan ku nos tin na Hulanda.
Palabrashon kla tokante kuido i edukashon
Lo bini akuerdo di kuido di yu di kriansa den kua tin pará palabrashon tokante kuido i edukashon di e mucha. Pues kiko e mucha por ferwagt di e mayornan di kriansa. Pero importante tambe: kiko e mayornan di kriansa por ferwagt i konseho i sosten di e kolaboradónan di kuido di hóben di JGCN. Tambe a regla ku kua eksigensia e mayornan mester kumpli. JGCN ta skrin e mayornan i nan mester sigui un kurso. Ademas nan mester tin 21 aña di edat i un deklarashon di Voogdijraad ku esaki no tin opheshon. Te awe tabata falta un kuadro legal i tabatin ménos palabrashon tokante loke hende por a ferwagt.
Oumento di e kompensashon
Gastu di kosto di bida ta haltu den Karibe. P’esei lo bini un kompensashon mas haltu pa e mayornan di kriansa, ku lo ta eksaktamente mes haltu ku esun di Hulanda. E suma anterior tabata determiná a base di un sistema kompliká ku un suma básiko i supsidio adishonal i pa kos èkstra eventualmente por a deklará faktura. E kompensashon nobo ta tene kuenta ku e edat di e mucha i
e mayornan i JGCN den un tiru a skapa di hopi trabou atministrativo. Mayornan ta indiká ku nan ta kontentu ku e medidanan aki ta duna atenshon serio na kuido di yu di kriansa na Hulanda Karibense.
Edat di 18 pa 21
Finalmente awor a regla ku mucha te dia nan hasi 21 aña por keda biba serka nan famia di kriansa. Naturalmente esaki kemen tambe ku e kompensashon lo kontinuá te na e edat aki.