Kòntròl intensivo riba siguridat di boto i barkunan
Riba e dianan rondó di dia di Rincon a tene kòntròl intensivo riba laman di botonan ku a transportá pasaheronan for di i pa Kòrsou. Warda Kosta, Ofisina di Haf, Duana, Kmar i Inspekshon Marítimo a realisá e kòntròlnan aki konhuntamente. Esaki a keda komuniká anteriormente den un komunikado di prensa.
Koperashon
Pa medio di e radar i ku yudansa di Duana/Imigrashon di Kòrsou tabata vigilá botonan pa asina Warda Kosta por a risibí esakinan riba laman. Warda Kosta ta hiba nan ofisina di Duana/Imigrashon na waf na Boneiru. Aki por a “klaar in” i pa medio di un lista di pregunta tabata kontrolá si nan tabata biaha ku pasaheronan ku a paga pa e biahe. Tabatin bon koperashon entre e vários partnernan di kadena tantu na Boneiru komo na Kòrsou. Tambe e koperashon di parti di pasaheronan i tripulashon tabata positivo.
Siguridat pa botonan di rekreo i pa boto di piskadó
Ta konsehá un biaha mas pa sòru pa abordo di e boto tin semper sufisiente artíkulonan di reskate den kaso ku tin un situashon di emergensia. Durante di e kòntròlnan hasí a konstatá ku no ta tur biaha tin sufisiente artíkulonan di siguridat i reskate a bordo di e boto. Parti patras di e pèrmit pa nabegá ku ofisina di haf di Boneiru ta otorgá na boto i barkunan registrá ta deskribí kua ta e artíkulonan ku ta obligatorio pa tin a bordo. Sòru tambe pa un persona di kontakto na tera.
Siguridat pa boto i barkunan komersial
Boto i barkunan komersial ku ta nabegá rondó di e teritorio di Boneiru mester kumpli ku e asina yamá Anekso 6 di e eksigensianan pa boto i barkunan komersial ku ke nabegá pafó di e teritorio. Por ehèmpel charter pa piska òf pa (klein) Kòrsou mester tin e asina yamá “Small Commercial Vessel Code”.
Kontakto
Si un persona ke nabegá di forma komersial ku pasahero pagá rònt di e isla òf pa (Klein) Kòrsou tuma kontakto ku Inspekshon Marítimo via : nsicn@rijksdienstcn.com; telefon: (+ 599) 715 8351 òf pasa na e ofisina ku ta situá den e edifisio di Duana na waf na promé piso.