Reakshon di Gabinete Hulandes riba investigashonnan di Konseho di Estado (RvS) i di Maneho Inter-departamental di Relashon den Reino (IBO)
Riba petishon di Ministerio di Asuntu Interno i Relashon den Reino, Konseho di Estado (Raad van State) i e grupo di trabou IBO a hasi investigashon pa duna un bista di oportunidat i opstákulonan na Hulanda Karibense. Meta di e investigashonnan aki ta pa krea un maneho mas efisiente pa Hulanda Karibense.
Den esaki ke mehorá bida di e abitantenan di Hulanda Karibense kaminda punto di salida ta ku ta trata tur Hulandes di forma igual. Kompilando, e liña kòrá di ámbos investigashon ta lo siguiente:
- Mehorashon di koperashon i kordinashon na Den Haag i den e parti Karibeño di Reino i inkluí tambe e repartishon aktual di tarea.
- Invertí den kalidat i tomo di desishon pa loke ta trata gobernashon lokal i organisashon di empleado públiko.
- Traha riba retrasonan poulatinamente i sòru pa finansiamentu adekuá i duradero, tambe sòru pa e regla i leinan nesesario pa esaki.
E medidanan ku Gabinete ta tuma a base di e rekomendashonnan for di e rapòrtnan ta kana segun dos liña paralelo. Di un manda sigui i ekspandé trayektonan resien i eksitoso manera e akuerdo intergubernamental de Boneiru (bestuursakkoord) i Saba Package. Di e otro banda Gabinete ke tuma pasonan pa mehorá koperashon, kalidat i tomo di desishon pa gobernashon lokal i e aparato públiko. Tambe pasonan pa mehorá e servisio na komunidat. Finalisando Gabinete ke sòru pa inkorporá Hulanda Karibense den sistema i strukturanan di Hulanda Europeo. Pa tur e medidanan aki mester di tempu paso mester hasi esaki di forma kuidadoso.
E grupo di trabou IBO ta finalisá su konseho ku e mensahe ku e forsa di éksito ta den koperashon i gabinete ta kompletamente di akuerdo ku esaki. Aki ta esensial ku Ministerionan di Den Haag i Entidatnan Públiko traha huntu na e mes un metanan.
Athunto e reakshon di Gabinete riba e investigashonnan di Konseho di Estado i di Maneho Inter-departamental di Relashon den Reino (IBO). Aki tin resumí e rekomendashonnan di ámbos rapòrt i e reakshon di Gabinete riba esakinan.