Firmamentu akuerdo edifisionan eskolar Sint Eustatius

Komisario Interino di Gobièrnu Mervyn Stegers di Entidat Públiko Sint Eustatius ayera a pone su firma banda di esun di Minister Arie Slob di Enseñansa Básiko i Avansá i Media (OCW). Nan a firma un akuerdo ku ta registrá palabrashonnan pa e último dos edifisionan eskolar na Sint Eustatius.

Ondertekening convenant EUX

Ta trata aki di e konstrukshon nobo di Skol Gwendoline Van Putten (GvP) i e renobashon andando i konstrukshon nobo di Skol Atventista di Séptimo Dia (skol SDA). E akuerdo ademas ta stipulá ku e minister lo pone regulashon na vigor pa trasladá responsabilidat di mantenshon di pafó di e skolnan, for di Entidat Públiko pa e direktivanan di skol. Ministerio di OCW lo transferí e presupuesto nesesario pa realisashon di e último dos proyektonan di edifisio eskolar, pa Entidat Públiko. Esaki lo sosodé den tres término: sèptèmber 2019, yüni 2020 i yüni 2021.

Konforme e akuerdo, Entidat Públiko Sint Eustatius a traha un plan di enfoke pa realisashon di e renovashon i konstrukshon pa e dos skolnan konserní. A presentá e plan aki pa aprobashon na Ministerio di OCW. E proseso di konstrukshon i renobashon ta dirigí pa lider di proyekto di Entidat Públiko. Ku esaki Entidat Públiko ta responsabel pa e renobashon i konstrukshon. ‘Komo Entidat Públiko nos ta kontentu ku e ministerio ke pasa e responsabilidat aki pa gobièrnu insular. Mi ta spera ku ku esaki lo aselerá e proseso i ku denter di dos aña nos lo tin un kompleho eskolar ku Sint Eustatius por ta orguyoso di dje’, segun Mervyn Stegers.

E konstrukshon i renobashon di e edifisionan en kuestion, ta kumpli ku kódigo-BES. Esaki ta un guia pa konstrukshon di edifisionan na Hulanda Karibense, ku ta tene kuenta ku e sirkunstansianan lokal, manera posibel orkan i teremoto.

Ta entregá e proyekto eskolar SDA den òktober próksimo. Ta spera di kuminsá ku e proyekto GvP na komienso di 2020.