Na 2017 un promedio di 2 050 dòler pa un trabou na Boneiru
Na 2017 e salario promedio pa un trabou di empleado na Boneiru tabata 2 050 dòler bruto pa luna. Na Saba i Sint Eustatius esaki tabata respektivamente 2 285 i 3 150 dòler.
Den e kalkulashon aki no a apliká korekshon pa trabou partaim. Esaki CBS ta bisa a base di sifra nobo.
Mas o ménos un kuart di e trabounan di empleado na Boneiru na 2017 tabata paga ménos ku 1 000 dòler pa luna. Probablemente aki ta trata di trabou partaim. Serka 37 porshento e salario tabata entre 1 000 i 2 000 dòler pa luna. Kasi 40 porshento di e trabounan tabata paga mas ku 2 000 dòler pa luna.
Na Saba e divishon aki ta mas o ménos meskos. Na Sint Eustatius e kategorianan ta partí mas igual den e kantidat di trabou. Ei kasi dos terser parti di e trabounan ta paga mas ku 2 000 dòler.
Oumento na Boneiru i Sint Eustatius
E suèldo promedio pa trabou den e temporada 2011-2017 a subi na Boneiru (+3 porshento pa aña) i Sint Eustatius (+4 porshento pa aña). Na Saba esaki a keda mas o ménos igual (+1 porshento pa aña). Na Saba i Sint Eustatius e kantidat di trabou ta chikí, i asina kambio chikí ta pisa mas tantu riba e resultado. P’esei e patronchi di desaroyo ta mas inkonstante.
Na Boneiru for di 2011 e salario di e sektor gobièrnu públiko ta subi. E sobrá sektornan di mas importante, manera hóreka, komèrsio i servisio komersial ta keda atras serka esaki.
StatLine:
'Caribisch Nederland; banen en lonen, geslacht, leeftijd'
'Caribisch Nederland; banen en lonen, economische activiteit (SBI 2008)'