Dia di postulashon di kandidato pa kolegio elektoral pa Eerste Kamer ta den kurpa
Riba 20 di mart 2019 Hulandesnan residente por vota pa kandidato pa kolegio elektoral. E dia pa postulá bo mes komo kandidato pa kolegio elektoral di Boneiru, Sint Eustatius i Saba ta dia 4 di febrüari 2019.
Riba e dia aki e kandidato ta entregá un lista di kandidato na konseho supremo elektoral di e entidat públiko konserní. Banda di esaki e siguiente eksigensia ta konta pa postulá bo mes komo kandidato.
Postulashon pa kandidato
Nashonalidat hulandes ta un eksigensia pa forma parti di kolegio elektoral. E persona mester ta residente di e entidat públiko, mester tin por lo ménos diesocho aña di edat i no mester ta ekskluí di e derecho di voto.
Listanan di kandidato
E listanan di kandidato mester ta entregá dor di partidonan polítiko òf kandidato individual riba 4 di febrüari 2019 entre 9 or di mainta i 5 or di atardi na konseho supremo elektoral di e entidat públiko pa elekshon di miembro pa kolegionan elektoral. E kandidatonan por hasi esaki riba 4 di febrüari na:
- Boneiru
Passangrahan, Plasa Reina Wilhelmina 1, Tel: +599 717 5332 - Sint Eustatius
Census Office, Chapel piece Road 1, Tel: +599 318 2027 of + 599 318 2497 - Saba
Census Office, Power Street 1, Tel: +599 416 3497 of +599 416 3582
Deklarashon di sosten
Tambe partidonan polítiko mester entregá pa kada distrito elektoral (entidat públiko), un kantidat mínimo di dies deklarashon di sosten huntu ku e postulashon pa kandidato pa e elekshon di miembro di kolegio elektoral pa Eerste Kamer. E deklarashonnan ta firmá pa votadónan ku ta bibá den e distrito elektoral (entidat públiko) na unda ta entregá e lista di kandidato. E votadó ku ke entregá un deklarashon di sosten, ta yena un formulario pa esaki na Entidat Públiko/ Registro Sivil. Tambe e persona mester identifiká su mes na e ámtenar di Entidat Públiko. Votadónan por entregá e deklarashon di sosten for di djaluna 21 di yanüari te ku djaluna 4 di febrüari 2019.
Depositá un bòrg
Pasobra ta promé biaha ku tin elekshon pa kolegio elektoral, pa kada lista di kandidato ku entregá na un di e entidatnan públiko, mester depositá un bòrg di 225 USD na entidat públiko. Riba e dia despues di postulashon pa kandidato, konseho supremo elektoral lo tin un seshon pa kontrolá tur eksigensia pa postulashon di kandidato na kada distrito elektoral. Lo entregá e bòrg bèk na momentu ku konseho supremo elektoral konfirmá resultado di elekshon i resultá ku e kantidat di voto di e lista ta por lo ménos 75% di e kuota elektoral. Mester depositá e bòrg riba e kuenta di banko destiná pa esaki di entidat públiko:
- Number di kuenta Boneiru
Number di banko: 301.002.03
Na nòmber di: Openbaar Lichaam Bonaire
Adrès di banko: J.A. Abraham Blvd. 27
Nòmber di Banko: MCB (Bonaire) N.V.
Adrès: banko: Bulevar Gobernador N. Debrot # 70
Swiftcode: MCBKBQBN
Deskripshon: Waarborgsom kandidaatstelling KK2019 - Number di kuenta Sint Eustatius
WIB BANK ACCOUNT: 32487505
Na nòmber di: Island-reciever St. Eustatius
SWIFTCODE: WISBSXSM - Number di kuenta Saba
Nòmber di banko: Windward Islands Bank Ltd.
Swift BIC: WISBSXSM
Na nòmber di: Island Receiver
Adrès di banko: The Bottom, Saba
Number di banko: Nr. 80004608
Deskripshon: Borgstelling ERV 2019
RCN ta ehekutá e kampaña di informashon riba enkargo di minister di Asuntunan Interno i Relashon di Reino. E entidatnan públiko ta responsabel pa organisashon di e elekshonnan. Riba www.rijksdienstcn.com/kolegioelektoral2019 por haña mas dokumentashon relevante i informashon amplio riba Eerste Kamer, kolegio elektoral, e proseso di voto i postulashon pa kandidato.