Un siman importante pa kuido na Hulanda Karibense
Den e siman di 14 pa 18 di yanüari a sera tres akuerdo entre e Ofisina di Seguro di Kuido BES (ZVK) i vários provedor di kuido. Pa motibu di sera e akuerdonan aki a tuma otro paso importante pa garantisá un kuido efisiente i di alto kalidat na Hulanda Karibense.
MHC
Pa 2019 a firma un akuerdo renobá ku Mental Health Caribbean (MHC). Den e akuerdo aki a hasi palabrashonkla tokante di e kalidat di atenshon médiko ku generalmente ta ofresé di forma ambulante. Esaki ta un paso grandi pa dilanti den kombinashon ku e apertura resien di e sentro Hi5 pa mucha i hóben.
HOH
Riba e tereno di kuido di hospital den region tambe a tuma un paso importante. Ku Horacio Oduber Hospital (HOH) na Aruba a hasi palabrashon nobo pa mas aña. Aki e hospital tabata dispuesto pa bini ku tarifanan aseptabel; un bon desaroyo den e kolaborashon entre provedornan di kuido i kompanianan di seguro den reino.
Kuido di dòkter di kas
E atenshon médiko na promé instante ta den desaroyo. Un aña pasá a firma un asina yamá “Letter of Intent” (Karta di intenshon) ku e ofisinanan di dòkter di kas na Boneiru. Den esaki a nombra e promé pasonan pa un struktura nobo. E aña tras di lomba a elaborá riba e pasonan aki den mehorashon di kuido na Boneiru. Esaki a resultá den un “Memorandum of Understanding” firmá dor di tur partido. E paso final lo ta pa transformá e MoU den un akuerdo, loke ta bai konkretisá den e kuartal di e aña aki.