Mas persona ta bini na remarke pa ònderstant spesial

E límite di entrada pa por risibí ònderstant spesial a subi te ku 120% di Salario Mínimo Legal entrante 1 di Yanüari 2019.

Dollars

Unidat di RCN, Asuntunan Sosial i Labor, por yuda ku ònderstant spesial si un persona inesperadamente mester hasi gastu grandi ku e no por paga. Por ehèmpel ora un frishidèr òf stof daña, òf ora un persona ta spera un beibi pero no tin sèn pa set di beibi. 

Habitantenan di Boneiru ku un entrada no mas haltu ku 1073 dòler pa luna, awor por bini na remarke pa ònderstant spesial. Pa habitante di Sint Eustatius awor ta konta un límite di entrada di 1344 dòler pa luna i na Saba di 1292 dòler pa luna. 

Ònderstant spesial semper ta kalkulá na midí. Un empleado di unidat di RCN SZW ta evaluá si e solisitante ta bini na remarke a base di un entrevista di ‘intake’ i un bishita na kas. No ta paga ònderstant spesial den forma di sèn, pero semper den forma di produkto òf servisio. 

Tira bista tambe na